睇住洗多咗私隱政策
最後更新：2026年10月29日
用 Google 登入時收集嘅資料
登入時，Google 會俾我哋三樣資料：
- 電郵地址：用嚟識別你嘅帳戶，同埋決定你可以接受邊啲邀請。同一本開支簿嘅成員睇到。
- 名稱：顯示俾同一本開支簿嘅成員睇，例如「由阿明記低」。
- 頭像：喺 app 同成員名單顯示。我哋只係儲存 Google 提供嘅連結，唔會儲存張相。
我哋睇唔到你嘅 Google 密碼。Google 俾我哋有關你帳戶嘅登入憑證，我哋會保存，但只用嚟登入。我哋唔會讀你嘅 Gmail、聯絡人或者 Google 帳戶入面其他嘢。
你嘅開支記錄
你輸入嘅開支、類別同備註，只有同一本開支簿嘅成員睇到，而且只有擁有人可以邀請人。每筆開支都會記低邊個新增或者修改。
單據相片
單據相片只會用喺兩方面：
- AI 讀單：張相會傳去 Google Gemini 嘅付費服務，讀出店名、日期、銀碼同貨品。Google 唔會用你嘅相嚟訓練模型。Google 可能會按佢嘅條款，短期保留請求記錄，用嚟防止濫用。
- 你嘅核對：你同開支簿成員可以睇返張相，喺儲存之前核對 AI 讀到嘅資料。
單據內容唔會用喺任何其他用途，亦唔會出售、分享或者用嚟賣廣告。儲存之前，我哋會刪走相片入面嘅隱藏資料，例如 GPS 位置。
相片保留幾耐
每本開支簿嘅擁有人可以揀：唔保留（讀完即刪）、1 日、7 日或者永遠保留。新開支簿預設 7 日。擁有人亦可以隨時刪除開支簿入面所有相片。刪相唔會刪開支記錄。
資料儲存喺邊
資料儲存喺新加坡嘅 Vercel 同 Neon，傳送途中會加密。
Cookie 使用
我哋只用 cookies 嚟保持你登入（最多 7 日），同埋記住你揀嘅語言、主題、時區同圖表類型。冇廣告或者追蹤 cookies，亦冇用分析工具。
支持我哋
如果你經 Buy Me a Coffee 支持我哋，付款會喺 Buy Me a Coffee 網站處理，受佢嘅私隱政策保障。我哋唔會收到你嘅信用卡資料。
刪除資料
你可以自己刪除開支同單據相片。如果想刪除成個帳戶，請電郵聯絡我哋。 cariries.pbiz@gmail.com
聯絡我哋
有關你嘅資料嘅查詢： cariries.pbiz@gmail.com